Украинаның «Ми Украина» телеарнасына сұхбат берген президент Зеленский Тарасовка мен Белогоровка маңындағы шайқастарға Қытайдың алты азаматы қатысқаны және олардың екеуі тұтқынға алынғанын мәлімдеді. Ол тұтқынға алынғандардың «Құжаттары, төлқұжаттары және тіпті несие карталары бар. Бұл Қытай азаматтары. Менің ойымша, бұл маңызды сигнал және Америка Құрама Штаттары бүгін болып жатқан оқиғаларға көбірек назар аударуы керек», — деді Зеленский.
Сонымен бірге Зеленский «Солтүстік Корея әскерлері бізге қарсы Ресейдің Курск облысында соғысты, ал Қытай әскерлері тікелей Украина аумағында соғысқа қатысуда» -деп атап өтті.
УНИАН сайты осыдан бір ай бұрын Донецк облысының Селидово елді мекенінде қытай жалдамалылары байқалған еді деп жазды.
Украинаның сыртқы істер министрі Сибига Қытай елшісін шақырып, наразылығын білдірді.
