AP Photo/Evan Vucci
Халықаралық «Ассошиэйтед Пресс» жаңалықтар агенттігі Германияның Вашингтондағы елшісі Андреас Михаэлистің құпия баяндамасы туралы мәлімет жариялады. Елші жазбасында Дональд Трамптың екінші президенттігі кезінде АҚШ-тағы демократиялық тежеу мен тепе-теңдік жүйесі бұзылуы мүмкін деп алаңдаушылық білдірген. Оның пайымдауынша, Трамптың әрекеті заң шығарушы органды, құқық қорғау органдарын және БАҚ-ты тәуелсіздіктен айыруы мүмкін, бұл бар биліктің президенттің қолында шоғырлануына әкеледі. Баяндама Германияның Сыртқы істер министрлігі мен канцлерге беріліп, Трамптың инаугурациясына дейін бірнеше басылымдарда жарияланған.
Михаэлись Трамптың «максималды жою, қалыптасқан саяси тәртіпті және бюрократиялық құрылымдарды жою» саясаты және оның кек алу жоспарлары сайып келгенде конституциялық құрылысты қайта қарауды білдіреді», — деп жазды
Елшінің жарияланған пікіріне байланысты ГФР Сыртқы істер министрлігі ішкі құжаттарға, талдауларға немесе елшілік есептерге түсініктеме бермейтінін мәлімдей отырып, дегенмен, АҚШ Германияның ең маңызды одақтастарының бірі екенін атап өтті. «Америкалықтар Трампты демократиялық сайлауда сайлады. Әрине, біз Германия мен Еуропаның мүддесі үшін АҚШ-тың жаңа әкімшілігімен де тығыз жұмыс істейтін боламыз», — делінген dpa хабарламасында.
