ТАШКЕНТ. KAZINFORM – «Орталық Азия – Еуроодақ» форматындағы кезекті саммит келер жылы Өзбекстанда өтпек. Бұл туралы «Орталық Азия — Германия» саммитіне қатысқан көршілес елдің президенті Шавкат Мирзиёев мәлім етті, деп хабарлайды Kazinformагенттігінің Ташкенттегі меншікті тілшісі Әлихан Асқар.
Өзбекстан басшысы саммит барысында
форматындағы мемлекет басшыларының кездесуі ынтымақтастықты нығайтуға тың серпін беріп келе жатқанын атап өтті.
«Біз ашық әрі нәтижеге негізделген диалог құрдық, шекара, су, энергетика, сауда және транзит бағытындағы көптеген мәселені өз бетімізше шешіп келеміз. Сондай-ақ, «Орталық Азия +» форматы аясында әлемнің жетекші елдерімен өзара іс-қимылды тереңдете түстік. Біздің аймақтың ертеңі, оның қауіпсіздігі мен тұрақты дамуы тек біздің саяси ерік-жігерімізге байланысты екенін анық білеміз», — деп тоқталдыӨзбекстан президенті.
Шавкат Мирзиёевтің сөзінше, келер жылы Өзбекстан «Орталық Азия – Еуроодақ» форматындағы кезекті саммитті қабылдамақ.
«Біз келесі жылы Өзбекстанда «Орталық Азия – Еуроодақ» форматындағы кезекті саммитті өткізуге дайындалып жатырмыз. Ол өңірдің болашағы үшін инвестиция тарту тақырыбына арналмақ», — деп мәлім етті Ш.Мирзиёев.
