Кездесу қарсаңында баспасөзде Мединскийдің «Ресей ымыраға келуге дайын» деген мәлімдемесі келіссөзден жаңалық күттірген болатын. Алайда үміт ақталмады. Басты жаңалық-екі жақтан тұтқынға түскен 1000 адамды алмастыру. Әр түрлі дерек көздеріне сүйенген The Economist журналисті Оливер Кэррол Ресей делегациясының басшысы келіссөз барысында тек қорқытумен болғанын жазады. Мединский Ресей соғысты 1, 2 жылға, тіпті І Петр заманындағыдай 21 жылға дейін жалғастыра алады деп мәлімдеген. Сонымен бірге Ресей делегациясы жартылай басып алынған екі облыстан Украина өз әскерлерін тезірек алып кетуін талап еткен. Болмаған жағдайда тағы екі облысты басып аламыз деп қоқан-лоққы жасаған.
Стамбул келіссөзі: қорқыту жалғасуда
