Фото: thecollegesolution.com
Мемлекеттік хатшы Марко Рубио Қытай студенттеріне берілген АҚШ визалары қайтарылатын болды деп мәлімдеді деп хабарлады Би-би-си халықаралық телерадиокомпаниясы. Алдағы уақытта Қытай мен Гонконгтан келген жаңа визалық өтінімдер күшейтілген тексеруден өтеді. Сондай-ақ Мемлекеттік департамент бүкіл әлем бойынша жаңа студенттік виза сұхбаттарын жоспарлауды тоқтатуға бұйрық бергені хабарланды. Негізгі идея — АҚШ-тың қауіпсіздігі мен мүдделеріне басымдық беру, сондықтан департамент Қытайға қатысты визаларды, әсіресе Қытай коммунистік партиясымен байланысы бар немесе маңызды салаларда оқитын студенттерден визалар қайтарып алады. Студенттер мен болашақ үміткерлер қалай тексерілетіні, жаңа саясат қандай критерийлерге және қандай визаларға рұқсат берілетіні туралы мәліметтер жарияланбады.
АҚШ-тың осы шешіміне Қытай Сыртқы істер министрлігі үзілді-кесілді қарсы екенін айтып, Вашингтонды конструктивті қарым-қатынасқа шақырды. Қытай Америка Құрама Штаттары заңды студенттердің құқықтары мен мүдделеріне зиян келтіру үшін идеология мен ұлттық қауіпсіздікке қатысты сылтауларды пайдаланады деп санайды.
Бұрын виза тек Америка Құрама Штаттарына кіруге рұқсат қағаз болатын, ал елге кірген адамның құқықтық мәртебесі ағымдағы құқықтық нормаларғы байланысты болды, мысалы, студент пе, жоқ әлде туристік сапармен жүрген адам ба. Дәстүр бойынша, университет иммиграциялық органдарды стужент оқуды аяқтаған кезде хабардар етіп, оның мәртебесі автоматты түрде тоқтатылатын. Бірақ сәуір айынан бастап АҚШ әкімшілігі университеттердің қатысуынсыз студент мәртебесін тоқтатудың бір жолы ретінде студенттік визаларды алып тастады.
Соңғы жылдары Қытай азаматтары АҚШ-қа оқуға ең көп келетін шет елдік студенттер болды. Ресми деректерге сәйкес, қытайлық студенттер саны 2012-13 жылдан бері тұрақты түрде 200 000-нан асып, 2019-20 жылы 370 000 мыңға жетті. Тек 2023-24 оқу жылында Үндістан Қытайды басып озды: биыл Қытайдан 277 000 адам және Үндістаннан 330 000 адам АҚШ-та оқыды.
АҚШ шектеу жариялаған соң Гонконг политехникалық университеті материктік Қытайдан келген үміткерлер санының «үлкен секірісі» туралы хабарлады.
